Come le ale de na farfala el slongava le so mannine al çiel,

          el parea che’ l sercàsse calcòssa de bèlo caldo, de bòn e sicuro.

          L’ ò visto nassàr mi! Sento el saòr del so respir dòlso de miel...

          Na vita nova,  che bèlo! Tàca a bàter el còr come on tamburo!

 

                                      Vardo la sposa che ma slargà la pianta, la ma zontà na rama,

                                      ancora lì oltada sul còel letin col nissol bianco cò tuti i sò dolori.

                                     I oci lustri de gioia da  genitor, anca ela, l’ e diventada mama!

                                     Me ne rendo conto alora che a casa i è diventati trì a batàr i còri!

                                  

          Ciàpo el fassòl parchè anca a mi desso, me vegnùdo el lustro ai oci,

          me cato spaesà e pien de paura, non savendo da dove scòmensiar.

          Nò so sa far cò on fiòl, me despiasaria tanto combinar pastroci …

         Also la sùca al çiel, ringrassio el Signor del ben e scòmensio a pregar!       

 

                                   Còando portemo a casa stò fagotin de bùro, stà nova vita pena nata,

                                   penso a còel che sarà del so doman, se la so strada sarà drita nel futuro.

                                   Me vèn le convulsioni e alora me s’ ciopa la mente, la diventa mata

                                   al pensier de  slevar stò fiol, calma, va tuto ben …  Basta tegnàr duro!

 

         Ghe ne passàdo tanti de ani, l’ è vegnù grando, desso l’ è  on omo me fiòl!

         Gò ancora da capir però el parchè,  gò desmentegàdo le malore e i afani,

         l’ è cressù in pressia sta creatura, stò bùteleto, come nà pianta de fasol.      

        On  bèl ricordo ormai el bùtin còl ciuccio! L’ è grando, la zà passà i vint’ ani !

 

                                     In mente vèn solo robe bèle de tuti stì ani, come nàr in altalena

                                     a cavàl del tempo che sgolà via, come on forte s’ cioco de on petardo …

                                     Sò che’ l còr del me “ bùtin “ l’ è sempre tacà al mio còme na cadèna

                                     e còando no’ l vedo e no’ l sento domando: - Dov’ elo el me Ricardo ? -

                                  

                                  

                                                                                                                 11 novembre 2004